"Yuventus" Lissabonning "Sporting" klubi hujumchisi Viktor Dyokereshni sotib olish imkoniyatlarini o‘rganmoqda.
“Manchester Yunayted” shved uchun kurashda favorit hisoblanardi, biroq “qizil iblislar” yevrokuboklarga yo‘llanmani qo‘lga kirita olmaganidan keyin futbolchi uchun bahsda g‘alaba qozonish qiyin bo‘ladi.
Jurnalist Fabrisio Romanoning yozishicha, “Yuventus” rahbariyati yaqinda 27 yoshli futbolchining atrofidagilar bilan bog‘lanib, ehtimoliy shartnoma shartlarini muhokama qilgan.
O‘tgan mavsumda futbolchi Lissabon klubi safida 52 ta o‘yinda maydonga tushib, 54 ta gol urdi va 13 ta golli uzatmani amalga oshirdi.
