"Manchester Siti" bosh murabbiyi shaharga qo‘shgan ulkan hissasi va futboldan tashqaridagi faoliyati, jumladan, Gvardiola Sala oilasi fondi faoliyati uchun Manchester universitetining faxriy doktori unvoni bilan taqdirlandi.
"Manchester men uchun juda katta ahamiyatga ega. Men bu yerda 9 yil o‘tkazdim va u mening uyimga aylandi. Odamlar, madaniyat, ajoyib futbol klubim, hamkasblarim - bularning barchasi men va oilam uchun juda muhim.
2016 yilda bu yerga kelganimda, qancha vaqt qolishimni bilmasdim. Bu shahar meni qanday kutib olgani hamma narsani osonlashtirdi. Bu yerda qolishim ajoyib bo‘ldi.
Men Manchester universiteti shahrimiz uchun qanchalik muhimligini bilaman. U juda ko‘p izlanishlar olib boradi va kashfiyotlar tarixiga ega. Bunday hurmatli muassasa tomonidan bunday sharafga sazovor bo‘lish - ajoyib tuyg‘u.
Shu lahza uchun Manchester universitetiga minnatdorchilik bildiraman va doimiy qo‘llab-quvvatlagani uchun "Manchester Siti"ga minnatdorchilik bildiraman”, dedi “Manchester Siti” bosh murabbiyi.
