Muxlislar Angliya terma jamoasining o‘yinidan norozi bo‘lishdi.

Tomas Tuxel shogirdlari Nottingemda bo‘lib o‘tgan o‘rtoqlik uchrashuvida Senegalga 1:3 hisobida mag‘lub bo‘lishdi. Inglizlar tarixda ilk bor Afrika termasiga mag‘lub bo‘lishdi.

The Telegraph xabariga ko‘ra, senegalliklar mezbonlar darvozasiga uchinchi golini urganidan so‘ng, muxlislar hushtakbozlik qilib, o‘rinlarini tark etishgan.

BBC muxbiri Sami Mokbelning qayd etishicha, tribunadagi bir guruh muxlislar “Uyat!” deb qichqirdi, yana ba’zilari esa Tuxelni iste’foga chiqarish kerakligini aytib shovqin solishdi.