Мухлислар Англия терма жамоасининг ўйинидан норози бўлишди.
Томас Тухель шогирдлари Ноттингемда бўлиб ўтган ўртоқлик учрашувида Сенегалга 1:3 ҳисобида мағлуб бўлишди. Инглизлар тарихда илк бор Африка термасига мағлуб бўлишди.
The Telegraph хабарига кўра, сенегалликлар мезбонлар дарвозасига учинчи голини урганидан сўнг, мухлислар ҳуштакбозлик қилиб, ўринларини тарк этишган.
BBC мухбири Сами Мокбелнинг қайд этишича, трибунадаги бир гуруҳ мухлислар “Уят!” деб қичқирди, яна баъзилари эса Тухелни истеъфога чиқариш кераклигини айтиб шовқин солишди.
