Biz uchun ahamiyatlisi, O‘zbekiston dzyudo federasiyasi raisi Azizjon Kamilov Kongressda tashkilotning Oliy boshqaruv organi — IJF Ijroiya qo‘mitasi a’zoligi hamda IJF Ta’lim direktori (IJF Education Director) lavozimlariga saylandi.

Osiyo dzyudo ittifoqi vise-prezidenti hisoblangan Kamilov bundan buyon Xalqaro dzyudo federasiyasining ta’lim yo‘nalishidagi islohoti, ya’ni murabbiylar, hakamlar, ma’muriy tizim mutaxassislarini tayyorlash, kadrlar masalasini hal etishga e’tiborini qaratadi. 

Shuningdek, u IJF prezidenti Marius Vizer bilan yelkama-elka dzyudoning olimpiya sport turlari oilasidagi mavqeini yanada mustahkamlash yo‘lida ish olib boradi.