Madridning "Real" klubi "River Pleyt" va Argentina terma jamoasi hujumkor yarim himoyachisi Franko Mastantuono transferini kelishib oldi.
O‘sib borayotgan yulduz klublar o‘rtasidagi jahon chempionatida "River Pleyt" safida ishtirok etadi, "qaymoqranglilar" safini esa avgust oyida, 18 yoshga to‘lganida to‘ldiradi. Jurnalist Xerman Garsiya Grovaning ma’lum qilishicha, Mastantuononing "Real" bilan shartnomasida 1 mlrd yevro tovon puli ko‘rsatilgan. "Qirollik klubi" futbolchi uchun 15 mln yevrodan uchta to‘lov bilan 45 mln yevro to‘laydi.
Franko Mastantuono og‘zaki kelishuvga erishgan "PSJ"ga o‘tishi mumkin edi, ammo yakunda Madrid grandi foydasiga tanlov qildi.













