"Galatasaroy" klubi va Ispaniya terma jamoasi hujumchisi Alvaro Morata futboldagi psixologik muammolar haqida gapirdi.
"Qizil furiya" hujumchisining so‘zlariga ko‘ra, 17 yoshli Yamalning muvaffaqiyati axborotni noto‘g‘ri qabul qiladigan yosh futbolchilarni ilhomlantirmasligi, aksincha, tushkunlikka tushirishi mumkin.
"14-15 yoshli futbolchilar ikkinchi yoki uchinchi yoshlar jamoasida o‘ynagani uchun umidsizlikka tushishi mumkin, Lamin Yamal esa o‘z yoshida allaqachon dunyoning eng yaxshilaridan biri. Bu turli xil qiyinchiliklarga olib kelishi mumkin. Bunga tayyor bo‘lish kerak," - deya Morataning so‘zlarini keltiradi ispan OAV.
