"Milan" yozgi transferlar vaqtida hujumni kuchaytirishni istamoqda. "Rossonerilar"ning ustuvor maqsadi "Atalanta" forvardi Mateo Retegi bo‘lib qolmoqda. Insayder Janluka di Marsioning hisobotidagi ma’lumotlarga ko‘ra, yaqinda "Milan" A Seriyaning eng yaxshi to‘purari vakillari bilan yana bog‘langan. Muqobil variant sifatida "Yuventus"dan Dushan Vlaxovich ko‘rilmoqda, ammo serbiyalik bilan bog‘liq vaziyatda milanliklar uchun uning yuqori maoshi muammo bo‘lishi mumkin.

Transfermarkt portali har ikki futbolchining narxini 45 mln yevroga baholamoqda. Mateo Retegi aprel oyida 26 yoshni, Dushan Vlaxovich esa yanvar oyida 25 yoshni qarshi oldi.