Madridning "Real" klubi yarim himoyachisi Luka Modrich 2025 yilgi klublar o‘rtasidagi jahon chempionati yakunlangach, tibbiy ko‘rikdan o‘tadi va "Milan"ga transferni rasmiylashtirish jarayonini yakunlaydi.
Insayder Fabrisio Romanoning ma’lum qilishicha, xalqaro turnir yakuniga qadar hech qanday rasmiy qadamlar qo‘yilmaydi - xorvatiyalik futbolchi oxirigacha "Real"dagi o‘yinlarga e’tibor qaratmoqchi.
Avvalroq, OAVda 39 yoshli Modrich Italiya klubi bilan dastlabki kelishuvga erishgani va 2026 yilning iyunigacha mo‘ljallangan shartnoma imzolashi haqida xabarlar tarqalgan edi. Klublar o‘rtasidagi JCH-2025 15 iyundan 13 iyulga qadar AQSHda bo‘lib o‘tadi. Turnirda 32 jamoa, jumladan, Madridning "Real" klubi ham ishtirok etadi.













