"Manchester Yunayted" klubining sobiq futbolchisi Roy Kin Angliya terma jamoasining Senegalga qarshi o‘rtoqlik uchrashuviga izoh berdi. Inglizlar kutilmaganda 1:3 hisobida mag‘lubiyatga uchradi.
- O‘ylashimcha, Uoker dangasa. U tajribali o‘yinchi, lekin tezda orqaga qaytish uchun yaramaydi. 2 ta gol o‘tkazib yuborilganidan keyin o‘yinchilarning bir-biriga reaksiya bildirishi unchalik sezilmadi. Unday vaziyatda shunchaki sheriklarga o‘z ishlarini bajarishlari uchun baqirish kerak," - deya Kin so‘zlarini keltiradi ITV Sport.
Angliya jahon chempionati saralash guruhida 3 o‘yindan 3 tasida g‘alaba qozonib, peshqadamlik qilmoqda, ammo so‘nggi paytlarda jamoaning o‘yini muxlislarning noroziligiga sabab bo‘lmoqda.
