"Bayer" yarim himoyachisi Esekiel Palasios Argentina terma jamoasidagi sherigi Franko Mastantuononing Madridning "Real" klubiga o‘tishi haqida gapirdi.
La Liga grandi Argentinaning "River Pleyt" klubi 17 yoshli futbolchisining transferini yopdi - bitim qiymati 45 mln yevroga baholanmoqda.
"Franko bilan shu haftada transfer haqida gaplashdim. Men uni tabrikladim. U "River"da muvaffaqiyatga erishdi, uning faoliyati muvaffaqiyatli kechmoqda va men unga kelajakda eng yaxshi tilaklarni tilayman," - deya Palasiosning so‘zlarini keltiradi ispan OAV.
Iyun oyida Franko Mastantuono Argentina terma jamoasi tarixidagi eng yosh debyutantga aylandi. Futbolchi 18 yoshini avgust oyida nishonlaydi.













