Germaniyalik vinger Leroy Sane Myunxenning "Bavariya" klubidagi besh yillik faoliyatini yakunlaganini e’lon qildi.
Futbolchi ijtimoiy tarmoqlarda klub muxlislariga xayrlashuv maktubi yo‘lladi.
"Myunxendagi besh yillik sermazmun faoliyatdan so‘ng men yangi bobni boshlashga qaror qildim. Germaniyaning eng buyuk klubi safida 200 dan ortiq o‘yin o‘tkazganimdan faxrlanaman va birgalikda qo‘lga kiritgan unvonlarimiz xotiramda abadiy saqlanib qoladi. Klub, murabbiylar shtabi, xodimlar, jamoadoshlar va ayniqsa, siz muxlislarga minnatdorchilik bildiraman," - deb yozadi Sane.
Futbolchining keyingi jamoasi Turkiyaning "Galatasaroy" klubi bo‘lishi kutilmoqda.













