Германиялик вингер Лерой Сане Мюнхеннинг "Бавария" клубидаги беш йиллик фаолиятини якунлаганини эълон қилди.
Футболчи ижтимоий тармоқларда клуб мухлисларига хайрлашув мактуби йўллади.
"Мюнхендаги беш йиллик сермазмун фаолиятдан сўнг мен янги бобни бошлашга қарор қилдим. Германиянинг энг буюк клуби сафида 200 дан ортиқ ўйин ўтказганимдан фахрланаман ва биргаликда қўлга киритган унвонларимиз хотирамда абадий сақланиб қолади. Клуб, мураббийлар штаби, ходимлар, жамоадошлар ва айниқса, сиз мухлисларга миннатдорчилик билдираман," - деб ёзади Сане.
Футболчининг кейинги жамоаси Туркиянинг "Галатасарой" клуби бўлиши кутилмоқда.
