Germaniya terma jamoasi hujumchisi Nik Voltemade 40 yoshli portugaliyalik hujumchi Krishtianu Ronalduga qarshi o‘ynaganidan keyingi taassurotlari bilan o‘rtoqlashdi. Germaniya Millatlar ligasi yarim finalida Portugaliyaga 1:2 hisobida mag‘lub bo‘ldi.

«Bu hayotda ko‘p kuzatiladigan holat: avvaldan hammasini ajoyib va hayajonli tasavvur qilasan, ammo voqealar ichida bo‘lganingda, bu oddiy bir vaziyatga aylanadi. Bu yerda ham xuddi shunday bo‘ldi.

Men bundan ko‘proq taassuroot olaman deb o‘ylagandim. Albatta, bu Ronaldu — uni hamma taniydi. Ammo barchasi men kutganidek bo‘lmadi, men unchalik hayratda qolmadim. U va boshqa raqiblarni ko‘rganimdan xursand bo‘ldim, o‘zimni ular bilan solishtirdim. Ehtimol, mening tasavvurlarim haqiqiy hayotdagi tajribadan ko‘ra yaxshiroq va ko‘lamliroq bo‘lgan», — deya Voltemadening so‘zlarini keltiradi Goal nashri.