"Tottenxem" yangi bosh murabbiy tayinlangach, muhim futbolchilar bilan shartnomani uzaytirishga e’tibor qaratishi mumkin.
"Shporlar" bosh murabbiyi Tomas Frank bo‘ldi, bu haqda klub payshanba kuni rasman e’lon qildi. Jurnalist Gari Jeykobning yozishicha, daniyalik murabbiyning asosiy vazifalaridan biri hujumchi Son Xyon Min va markaziy himoyachi Kristian Romero bilan kelajagini muhokama qilishdir. 32 yoshli janubiy koreyalikning amaldagi kelishuvi kelasi yili o‘z nihoyasiga yetadi, 27 yoshli argentinalikning shartnomasi esa 2027 yilgacha mo‘ljallangan.
Tomas Frank o‘tgan mavsum yakunlanganidan ko‘p o‘tmay iste’foga chiqarilgan "Tottenxem" ustozi Ange Postekogluning o‘rnini egalladi.













