"Тоттенхэм" янги бош мураббий тайинлангач, муҳим футболчилар билан шартномани узайтиришга эътибор қаратиши мумкин.
"Шпорлар" бош мураббийи Томас Франк бўлди, бу ҳақда клуб пайшанба куни расман эълон қилди. Журналист Гари Жейкобнинг ёзишича, даниялик мураббийнинг асосий вазифаларидан бири ҳужумчи Сон Хён Мин ва марказий ҳимоячи Кристиан Ромеро билан келажагини муҳокама қилишдир. 32 ёшли жанубий кореяликнинг амалдаги келишуви келаси йили ўз ниҳоясига етади, 27 ёшли аргентиналикнинг шартномаси эса 2027 йилгача мўлжалланган.
Томас Франк ўтган мавсум якунланганидан кўп ўтмай истеъфога чиқарилган "Тоттенхэм" устози Анге Постекоглунинг ўрнини эгаллади.
