"Barselona" 36 yoshli vinger Ivan Perishichni o‘z safiga qo‘shib olish haqida o‘ylamoqda. Xorvat iyul oyi boshida erkin agentga aylanadi - uning PSV bilan tugayotgan shartnomasi uzaytirilmaydi. Nufuzli insayder Fabrisio Romanoning ma’lum qilishicha, "ko‘k-anorranglilar" haqiqatan ham tajribali futbolchini o‘z manfaatlari ro‘yxatiga kiritgan, biroq uni ustuvor variant deb hisoblamaydi. Kataloniya grandi uchun birinchi tanlov "Liverpul" vakili Luis Dias bo‘lib qolmoqda, ammo bu juda qimmatga tushadi.
Ivan Perishich "Barselona" bilan muzokara o‘tkazishga tayyor - u klubning yakuniy qarorini kutmoqda. PSV tarkibida futbolchi 35 ta o‘yinda 16 ta gol va 11 ta golli uzatmani amalga oshirdi.
