"Барселона" 36 ёшли вингер Иван Перишични ўз сафига қўшиб олиш ҳақида ўйламоқда. Хорват июль ойи бошида эркин агентга айланади - унинг ПСВ билан тугаётган шартномаси узайтирилмайди. Нуфузли инсайдер Фабрицио Романонинг маълум қилишича, "кўк-анорранглилар" ҳақиқатан ҳам тажрибали футболчини ўз манфаатлари рўйхатига киритган, бироқ уни устувор вариант деб ҳисобламайди. Каталония гранди учун биринчи танлов "Ливерпуль" вакили Луис Диас бўлиб қолмоқда, аммо бу жуда қимматга тушади.
Иван Перишич "Барселона" билан музокара ўтказишга тайёр - у клубнинг якуний қарорини кутмоқда. ПСВ таркибида футболчи 35 та ўйинда 16 та гол ва 11 та голли узатмани амалга оширди.
