"Manchester Siti" 12 iyun kuni "Napoli" bilan shartnoma imzolagan Kevin de Bryuyne bilan rasman xayrlashdi.
Xayrlashuv xabarida klub belgiyalik yarim himoyachiga "shaharliklar" tarixida oltin sahifa bo‘lgan davrga qo‘shgan hissasi uchun minnatdorchilik bildirdi.
"Kevin de Bryuyne maydondagi o‘n yillik mutlaq sehrdan so‘ng "Siti"ni tark etadi. 2015 yilda "Volfsburg"dan kelganidan beri u jamoaning haqiqiy yuragiga aylandi va klub bilan 19 ta sovrinni qo‘lga kiritdi - oltita Premyer-liga chempionligidan-CHempionlar ligasidagi tarixiy g‘alabagacha, - deyiladi klub saytidagi xabarda.













