Alvaro Morata Ispaniya terma jamoasidagi kelajagi haqida gapirdi.

32 yoshli forvard Millatlar Ligasi finalida Portugaliyaga qarshi o‘yinda (2:2, penaltilar seriyasida 3:5) 11 metrlik jarima zarbasidan foydalana olmadi.

"Men tahlil qilishim kerak. Vaqt o‘tsin, ko‘ramiz, terma jamoa uchun nima yaxshi, men uchun nima yaxshi bo‘lar ekan. Lekin ma’lum vaqt o‘tishi kerak.

Xotinim va bolalarim kurashni davom ettirishimga dalda berishadi. Lekin endi gap kurashda emas. Men buni ming marta takrorlagan bo‘lardim, lekin hozir eng muhimi - terma jamoa manfaatlari. Yoshim ulg‘ayib boryapti... Hammasini o‘ylab ko‘rish kerak - xotirjam va vazminlik bilan.

Men o‘tirib: "Terma jamoada o‘ynashda davom etamanmi-yo‘qmi, bilmayman," deyishim mumkin edi. Shunda murabbiy meni shunchaki olib tashlaydi va boshqa ilojim qolmaydi," - dedi Morata.