Альваро Мората Испания терма жамоасидаги келажаги ҳақида гапирди.

32 ёшли форвард Миллатлар Лигаси финалида Португалияга қарши ўйинда (2:2, пенальтилар сериясида 3:5) 11 метрлик жарима зарбасидан фойдалана олмади.

"Мен таҳлил қилишим керак. Вақт ўтсин, кўрамиз, терма жамоа учун нима яхши, мен учун нима яхши бўлар экан. Лекин маълум вақт ўтиши керак.

Хотиним ва болаларим курашни давом эттиришимга далда беришади. Лекин энди гап курашда эмас. Мен буни минг марта такрорлаган бўлардим, лекин ҳозир энг муҳими - терма жамоа манфаатлари. Ёшим улғайиб боряпти... Ҳаммасини ўйлаб кўриш керак - хотиржам ва вазминлик билан.

Мен ўтириб: "Терма жамоада ўйнашда давом этаманми-йўқми, билмайман," дейишим мумкин эди. Шунда мураббий мени шунчаки олиб ташлайди ва бошқа иложим қолмайди," - деди Мората.