O‘zbekiston Superligasining 12-turidan o‘rin olgan ikki uchrashuv 13 iyun, juma kuni bo‘lib o‘tdi.

Buxoroning “Buxoro” klubi Andijonning “Andijon”i bilan bahs yuritdi. 58-daqiqada hisob Bektemir Abdumannonov tomonidan ochilgan bo‘lsa, oradan 9 daqiqa o‘tar-o‘tmas Shahboz Jo‘rabekov hisobni tenglashtirdi. Ushbu hisob o‘yin yakuniga qadar saqlanib qoldi va tomonlan bir ochkodan bo‘lishib oldi.

Yana bir uchrashuv esa Qo‘qonda o‘tkazildi. “Qo‘qon-1912” klubi Muborakning “Mash’al”ini qabul qildi.

O‘yinda hisob 1-daqiqadayoq ochildi. Humoyun Murtazoyevning goli birinchi bo‘limda yagona bo‘lib qoldi.

65-daqiqada esa Nurjahon Muzaffarov hisobni ikkitaga oshirgan bo‘lsa, Humoyun Murtazoyev 76-daqiqada dubl qayd etdi. Oradan 2 daqiqa o‘tgach, 78-daqiqada Islombek Baratov hisobni to‘rttaga oshirdi.

Shunday qilib, muborakliklar mehmondan g‘alaba bilan ortga qaytdi va o‘z ochkolarini 15 taga yetkazib, jadvalda 8-pog‘onaga ko‘tarilib olishdi.

Superliga, 12-tur
13 iyun, juma
“Buxoro” — “Andijon” 1:1
Gollar: 0:1 – 58, Bektemir Abdumannonov, 1:1 – 67, Shahboz Jo‘rabekov.

“Qo‘qon-1912” — “Mash’al” 0:4
Gollar: 0:1 – 1, Humoyun Murtazoyev, 0:2 – 65, Nurjahon Muzaffarov, 0:3 – 76, Humoyun Murtazoyev, 0:4 – 78, Islombek Baratov.