Ўзбекистон Суперлигасининг 12-туридан ўрин олган икки учрашув 13 июнь, жума куни бўлиб ўтди.

Бухоронинг “Бухоро” клуби Андижоннинг “Андижон”и билан баҳс юритди. 58-дақиқада ҳисоб Бектемир Абдуманнонов томонидан очилган бўлса, орадан 9 дақиқа ўтар-ўтмас Шаҳбоз Жўрабеков ҳисобни тенглаштирди. Ушбу ҳисоб ўйин якунига қадар сақланиб қолди ва томонлан бир очкодан бўлишиб олди.

Яна бир учрашув эса Қўқонда ўтказилди. “Қўқон-1912” клуби Муборакнинг “Машъал”ини қабул қилди.

Ўйинда ҳисоб 1-дақиқадаёқ очилди. Ҳумоюн Муртазоевнинг голи биринчи бўлимда ягона бўлиб қолди.

65-дақиқада эса Нуржаҳон Музаффаров ҳисобни иккитага оширган бўлса, Ҳумоюн Муртазоев 76-дақиқада дубль қайд этди. Орадан 2 дақиқа ўтгач, 78-дақиқада Исломбек Баратов ҳисобни тўрттага оширди.

Шундай қилиб, муборакликлар меҳмондан ғалаба билан ортга қайтди ва ўз очколарини 15 тага етказиб, жадвалда 8-поғонага кўтарилиб олишди.

Суперлига, 12-тур
13 июнь, жума
“Бухоро” — “Андижон” 1:1
Голлар: 0:1 – 58, Бектемир Абдуманнонов, 1:1 – 67, Шаҳбоз Жўрабеков.

“Қўқон-1912” — “Машъал” 0:4
Голлар: 0:1 – 1, Ҳумоюн Муртазоев, 0:2 – 65, Нуржаҳон Музаффаров, 0:3 – 76, Ҳумоюн Муртазоев, 0:4 – 78, Исломбек Баратов.