"Brentford" vingeri Brayan Mbeumo faoliyatini davom ettirish variantini aniqlab oldi.
Kamerunlik "Manchester Yunayted" bilan oy boshidayoq kelishib olgandi, biroq yaqinda "Tottenxem" poygaga aralashib, "asalarilar"ga foydaliroq taklif bilan chiqdi. Jurnalist Rudi Galettining ma’lum qilishicha, Mbeumoning o‘zi "shporlar" safiga o‘tish imkoniyatini ko‘rib chiqmayapti - u "qizil iblislar"ga va’da bergan va undan voz kechmoqchi emas.
Ayni damda Mbemo "MYU"ning "Brentford" bilan kelishib olishini kutmoqda. "Tottenxem" variantini 25 yoshli futbolchi mankunianliklar transfer bo‘yicha muzokaralarda muvaffaqiyatsizlikka uchragan taqdirdagina ko‘rib chiqadi.
Eslatib o‘tamiz, kuni kecha "Tottenxem"ni Tomas Frank qabul qilib olgandi, uning qo‘l ostida Brayan "Brentford"da o‘zini ko‘rsatdi.













