"Barselona"ning qanot hujumchisi Ansu Fati "Monako"ga o‘tishga yaqin turibdi. Bu haqda insayder Fabrisio Romano ma’lum qildi.
Manbaga ko‘ra, klublar Fatining transferi bo‘yicha so‘nggi tafsilotlarni kelishib olishlari qolgan. Bitim marra chizig‘ida ekani aytilmoqda, shuning uchun u tez orada yopilishi kerak.
Avvalroq, "Monako" Fatini keyinchalik sotib olish huquqi bilan ijaraga olishi xabar qilingandi.
Joriy mavsumda 22 yoshli ispaniyalik barcha musobaqalarda 11 ta uchrashuvda maydonga tushib, samarali harakat qilmadi.













