Germaniyaning "RB Leypsig" klubi hujumkor yarim himoyachisi Antonio Nusa Angliya Premyer-ligasining top-klubiga o‘tish imkoniyatiga ega. Bu haqda Caught Offside jurnalistlari xabar bermoqda.
Manbaga ko‘ra, 20 yoshli ijrochini Londonning "Arsenal" va "Chelsi" klublari o‘z safiga qo‘shib olmoqchi. Norvegiyalik futbolchining Transfermarkt portalidagi narxi 28 million yevroga baholanmoqda.
O‘tgan mavsumda Nusa jamoasining 40 ta o‘yinida qatnashib, 5 ta gol va 8 ta assistni o‘z hisobiga yozdirib qo‘ydi. Futbolchining nemis klubi bilan amaldagi shartnomasi 2029 yilning yozida yakuniga etadi.













