Madridning "Real" klubi yangi a’zosi Trent Aleksandr-Arnold klub haqida Jud Bellingemdan nimalar eshitganini aytib berdi.
O‘ng qanot himoyachisining "Liverpul"dan "qaymoqranglilar" safiga o‘tishi haqida o‘tgan mavsum davomida gap-so‘zlar bo‘lib turdi. Yaqinda Trent "qirollik klubi"ning yangi a’zosi sifatida rasman tanishtirildi.
"Biz Bellingem bilan uning "Real"dagi tajribasini muhokama qildik. Transferdan oldin jamoa haqida ko‘proq bilishni xohlaysiz. Jud unga hamma narsa yoqishini aytdi va bu uning o‘yinidan ko‘rinib turardi - u futboldan zavqlanardi. Barcha omillar "Real" mening keyingi rivojlanishim uchun to‘g‘ri joy ekanligini ko‘rsatdi," - deya Aleksandr-Arnoldning so‘zlarini keltiradi Madrid Zone.
