Мадриднинг "Реал" клуби янги аъзоси Трент Александр-Арнольд клуб ҳақида Жуд Беллингемдан нималар эшитганини айтиб берди.

Ўнг қанот ҳимоячисининг "Ливерпуль"дан "қаймоқранглилар" сафига ўтиши ҳақида ўтган мавсум давомида гап-сўзлар бўлиб турди. Яқинда Трент "қироллик клуби"нинг янги аъзоси сифатида расман таништирилди.

"Биз Беллингем билан унинг "Реал"даги тажрибасини муҳокама қилдик. Трансфердан олдин жамоа ҳақида кўпроқ билишни хоҳлайсиз. Жуд унга ҳамма нарса ёқишини айтди ва бу унинг ўйинидан кўриниб турарди - у футболдан завқланарди. Барча омиллар "Реал" менинг кейинги ривожланишим учун тўғри жой эканлигини кўрсатди," - дея Александр-Арнольднинг сўзларини келтиради Madrid Zone.