"Manchester Yunayted" vingeri Alexandro Garnacho "Bayer"ga o‘tishi dargumon. Argentinalik yozda "qizil iblislar" safini tark etmoqchi va unga allaqachon ba’zi klublar qiziqish bildirgan. Da’vogarlar orasida yaqinda Erik ten Xag bosh murabbiy bo‘lgan "dorishunoslar" ham bor edi.
Jurnalist Florian Plettenbergning yozishicha, Garnachoning "Bayer"ga transferi futbolchining narxi juda yuqori bo‘lgani uchun amalga oshishi dargumon, shuningdek, uning maoshi ham leverkuzenliklar uchun muammo bo‘ladi. Klub hujumni kuchaytirishning boshqa variantlarini ko‘rib chiqmoqda.
Alexandro Garnacho Erik ten Xag bilan "Manchester Yunayted"dagi birgalikdagi faoliyati orqali tanish bo‘lib, niderlandiyalik mutaxassis o‘tgan yilning oktyabr oyida ishdan bo‘shatilgan edi.
Transfermakt portali 20 yoshli futbolchining narxini 45 mln yevroga baholamoqda.
