"Манчестер Юнайтед" вингери Алехандро Гарначо "Байер"га ўтиши даргумон. Аргентиналик ёзда "қизил иблислар" сафини тарк этмоқчи ва унга аллақачон баъзи клублар қизиқиш билдирган. Даъвогарлар орасида яқинда Эрик тен Хаг бош мураббий бўлган "доришунослар" ҳам бор эди.
Журналист Флориан Плеттенбергнинг ёзишича, Гарначонинг "Байер"га трансфери футболчининг нархи жуда юқори бўлгани учун амалга ошиши даргумон, шунингдек, унинг маоши ҳам леверкузенликлар учун муаммо бўлади. Клуб ҳужумни кучайтиришнинг бошқа вариантларини кўриб чиқмоқда.
Алехандро Гарначо Эрик тен Хаг билан "Манчестер Юнайтед"даги биргаликдаги фаолияти орқали таниш бўлиб, нидерландиялик мутахассис ўтган йилнинг октябрь ойида ишдан бўшатилган эди.
Transfermakt портали 20 ёшли футболчининг нархини 45 млн еврога баҳоламоқда.
