"Chelsi" "Benfika" himoyachisi Tomas Araujoning transferiga qiziqish bildirmoqda, deb xabar beradi A Bola.
Manbaga ko‘ra, londonliklar 23 yoshli portugaliyalikni "Liverpul"dan tortib olib, yozgi transferlar davrida o‘z safiga qo‘shib olmoqchi.
Araujo 2024/25 yilgi mavsumda Portugaliya klubi safida barcha turnirlarda 44 ta o‘yinda maydonga tushib, 1 ta gol urdi va 3 ta golli uzatmani amalga oshirdi. Uning "Benfika" bilan shartnomasi 2029 yilning 30 iyuniga qadar amal qiladi.
Transfermarkt portali futbolchining transfer qiymatini 32 million yevroga baholagan.
