"Челси" "Бенфика" ҳимоячиси Томас Араужонинг трансферига қизиқиш билдирмоқда, деб хабар беради A Bola.
Манбага кўра, лондонликлар 23 ёшли португалияликни "Ливерпуль"дан тортиб олиб, ёзги трансферлар даврида ўз сафига қўшиб олмоқчи.
Араужо 2024/25 йилги мавсумда Португалия клуби сафида барча турнирларда 44 та ўйинда майдонга тушиб, 1 та гол урди ва 3 та голли узатмани амалга оширди. Унинг "Бенфика" билан шартномаси 2029 йилнинг 30 июнига қадар амал қилади.
Transfermarkt портали футболчининг трансфер қийматини 32 миллион еврога баҳолаган.
