"Arsenal"ning chap qanot himoyachisi Aleksandr Zinchenko birdaniga Italiyaning ikki klubi - "Milan" va "Yuventus" qiziqishlari doirasiga tushib qoldi.

Bu haqda Caught Offside xabar bermoqda. London klubi 28 yoshli ukrainalik futbolchini sotishga tayyor va uning transferini 10-15 mln funtga baholamoqda. Ehtimoliy to‘siqlardan biri futbolchining maoshi darajasi bo‘lishi mumkin - yiliga besh million atrofida.

Shu bilan birga, "Milan"da transfer ehtimoli yuqoriroq, chunki turinliklar himoyani kuchaytirish uchun yoshroq futbolchilarni izlashga e’tibor qaratmoqda.

Himoyachi 2024/25 yilgi mavsumda 23 ta o‘yinda maydonga tushib, bitta gol urdi va bitta golli uzatmani amalga oshirdi. Futbolchining "Arsenal" bilan shartnomasi 2026 yilning yoziga qadar mo‘ljallangan.