"RB Leypsig" klubi hujumkor yarim himoyachisi Xavi Simons faoliyatini Angliya Premyer-ligasida davom ettirishi mumkin.

Last Word On Spurs nashrining ta’kidlashicha, 22 yoshli xavbekni Londonning "Tottenxem" klubi o‘z safiga qo‘shib olmoqchi, ammo klub bu futbolchi uchun faqat adekvat summa to‘lashga tayyor. Manbaga ko‘ra, "shporlar" Simons uchun 58-70 mln yevro taklif qilishi mumkin, ammo "RB Leypsig"ning talablari hozircha noma’lum.

Bu mavsumda niderlandiyalik yarimhimoyachi barcha turnirlarni qo‘shib hisoblaganda 33 uchrashuvda maydonga tushib, raqiblar darvozasini 11 marotaba ishg‘ol qildi va sakkizta assist muallifi bo‘ldi.

Transfermarkt portali mutaxassislari Xavi Simonsning narxini 70 million yevroga baholamoqda.