Fransiya terma jamoasining sobiq yarim himoyachisi Samir Nasri "Oltin to‘p-2025"ga da’vogarlar haqida o‘z fikrlarini bildirdi.
Uning fikricha, bosh sovrin "PSJ" futbolchisi Usmon Dembelega nasib etishi kerak.
- Men Dembeleni tanlagan bo‘lardim. Birinchidan, u fransuz, ikkinchidan, u fantastik mavsumni o‘tkazdi. U "PSJ" bilan hamma narsani yutdi. Albatta, faqat iste’dod haqida gapiradigan bo‘lsak, Lamin Yamalni tilga olgan bo‘lardim. Ammo butun mavsumni hisobga olsak, mening tanlovim Usmon," - deya Nasrining so‘zlarini keltiradi Marca.













