Londonning "Arsenal" klubi Lissabonning "Sporting" klubi va Shvesiya terma jamoasi markaziy hujumchisi Viktor Dyokeresh transferi bo‘yicha muzokaralarni to‘xtatdi. Record nashrining yozishicha, "kanonirlar"ni Portugaliya tomoni belgilagan 80 million yevro miqdori qoniqtirmayapti.
Skandinaviyalik futbolchi endi London klubining ustuvor maqsadi emas. "Arsenal" o‘z e’tiborini Benyamin Sheshko va Olli Uotkinsga qaratishga qaror qildi.
O‘tgan mavsumda Dyokeresh 52 ta o‘yin o‘tkazib, 54 ta gol va 13 ta golli uzatmani o‘z hisobiga yozdirib qo‘ygan. Viktor va "Sporting" o‘rtasidagi amaldagi shartnoma 2028 yilning yozida o‘z nihoyasiga yetadi.













