Лондоннинг "Арсенал" клуби Лиссабоннинг "Спортинг" клуби ва Швеция терма жамоаси марказий ҳужумчиси Виктор Дьёкереш трансфери бўйича музокараларни тўхтатди. Record нашрининг ёзишича, "канонирлар"ни Португалия томони белгилаган 80 миллион евро миқдори қониқтирмаяпти.
Скандинавиялик футболчи энди Лондон клубининг устувор мақсади эмас. "Арсенал" ўз эътиборини Беньямин Шешко ва Олли Уоткинсга қаратишга қарор қилди.
Ўтган мавсумда Дьёкереш 52 та ўйин ўтказиб, 54 та гол ва 13 та голли узатмани ўз ҳисобига ёздириб қўйган. Виктор ва "Спортинг" ўртасидаги амалдаги шартнома 2028 йилнинг ёзида ўз ниҳоясига етади.













