Jamol Musiala klublar o‘rtasidagi jahon chempionatining ilk o‘yinida 23 daqiqada xet-trik qayd etdi.
"Bavariya" KO‘JCH guruh bosqichi 1-turida "Oklend Siti"ni mag‘lub etdi (10:0).
Germaniya terma jamoasining 22 yoshli yarim himoyachisi 61-daqiqada forvard Xarri Keyn o‘rniga zaxiradan maydonga tushdi.
67-daqiqada Jamol Tomas Myullerning uzatmasidan keyin jamoasining yettinchi golini urdi. 73-daqiqada u o‘zi ishlagan penaltini aniq amalga oshirdi. 84-daqiqada xavbek raqib xatosidan so‘ng to‘pni egallab olib, xet-trik qayd etdi.
Bu Musiala uchun kattalar darajasidagi ikkinchi xet-trikdir. U 2024 yil oktyabr oyida Germaniya kubogi o‘yinida (4:0) "Mayns"ga uchta gol urgan.
