Жамол Мусиала клублар ўртасидаги жаҳон чемпионатининг илк ўйинида 23 дақиқада хет-трик қайд этди.
"Бавария" КЎЖЧ гуруҳ босқичи 1-турида "Окленд Сити"ни мағлуб этди (10:0).
Германия терма жамоасининг 22 ёшли ярим ҳимоячиси 61-дақиқада форвард Харри Кейн ўрнига захирадан майдонга тушди.
67-дақиқада Жамол Томас Мюллернинг узатмасидан кейин жамоасининг еттинчи голини урди. 73-дақиқада у ўзи ишлаган пенальтини аниқ амалга оширди. 84-дақиқада хавбек рақиб хатосидан сўнг тўпни эгаллаб олиб, хет-трик қайд этди.
Бу Мусиала учун катталар даражасидаги иккинчи хет-трикдир. У 2024 йил октябрь ойида Германия кубоги ўйинида (4:0) "Майнц"га учта гол урган.
