"Chelsi" bosh murabbiyi Enso Mareskaning tan olishicha, jamoaning klublar o‘rtasidagi jahon chempionatidagi ishtiroki qanday samara berishini bilmaydi.

Londonliklar "Los-Anjeles", "Flamengo" va "Esperans" bilan bir guruhdan joy olgan. O‘yinlar 16, 20 va 23 iyun kunlari bo‘lib o‘tadi.

"Biz bularning barchasi bizga qanday ta’sir qilishini bilishimiz kerak. Raqobatchilarimiz [Premyer-liganing boshqa klublari] biz bu yerda bo‘lganimizda ta’tilda. Bu yangi turnir - unda ishtirok etish yangi mavsumda bizga qanday ta’sir qilishini ko‘ramiz," - deya Mareskaning so‘zlarini keltiradi jurnalist Ben Jeykobs.