Madridning "Atletiko" klubi futbolchisi Markos Lyorente "PSJ"dan uchralgan mag‘lubiyatdan (0:4) keyin ob-havodan shikoyat qildi.
Klublar o‘rtasidagi jahon chempionati guruh bosqichi 1-tur uchrashuvi Pasadena shahridagi "Rose Bowl" stadionida bo‘lib o‘tdi. Parijliklar har bir bo‘limda ikkitadan gol urib, yirik g‘alabani tantana qilishdi.
"Bunday sharoitda o‘ynashning iloji yo‘q - juda issiq. Hamma joyim og‘riyapti, na to‘xtay oldim, na yugura oldim. Bu aqlsizlik, ammo sharoitlar hamma uchun bir xil, shuning uchun shikoyat qilishdan ma’no yo‘q," - deya Lyorentening so‘zlarini keltiradi ispan OAV.













