FIFA 2025 yilgi klublar o‘rtasidagi jahon chempionati startidan mamnunligini bildirdi.

Turnirning dastlabki bahsida "Inter Mayami" Misrning "Al-Ahli" klubi bilan durang o‘ynadi - "A" guruhining "Xard Rok" stadionida kechgan uchrashuvi 0:0 hisobida yakunlandi. Lionel Messi Amerika klubining asosiy tarkibida maydonga tushdi va qo‘shib berilgan vaqtda golga yaqin keldi, biroq uning zarbasidan so‘ng to‘p darvoza to‘siniga tegdi.

- Katta muvaffaqiyat bilan o‘tgan ochilish o‘yinining barcha ishtirokchilariga FIFA o‘z minnatdorchiligini bildiradi. Anshlag paytida ajoyib muhitda ajoyib o‘yin bo‘lib o‘tdi. Tribunalarda 60 927 tomoshabinning hozir bo‘lishi va jahon teletomoshabinlarining e’tibori klublar futboli tarixidagi yangi davrning ramziga aylandi," - deb yozadi tashkilot.

Avvalroq matbuotda FIFA teletranslyasiyalarda bo‘sh joylarni ko‘rsatmaslik va to‘liq to‘ldirilgan arenalarning vizual effektini yaratish maqsadida muxlislar uchun chiptalarni almashtirishga o‘tgani haqida xabarlar tarqalgan edi.