Bosniyalik hujumchi Edin Jeko faoliyatini Italiya A Seriyasida davom ettiradi. 39 yoshli futbolchi "Fenerbaxche"dan "Fiorentina"ga erkin agent sifatida o‘tadi, deb xabar bermoqda jurnalist Janluka di Marsio.

Manbaga ko‘ra, Jeko "binafsharanglilar" bilan bir yillik shartnomani uzaytirish imkoniyati bilan imzolaydi.

Jeko bu mavsumda barcha turnirlarni qo‘shib hisoblaganda 53 ta uchrashuvda maydonga tushib, 21 ta gol urdi va 8 ta golli uzatma muallifiga aylandi.

Bosniyalik futbolchi bungacha "Inter," "Roma" va "Manchester Siti" kabi nomdor klublar va boshqa bir qator jamoalarda to‘p tepgan.