Босниялик ҳужумчи Эдин Жеко фаолиятини Италия А Сериясида давом эттиради. 39 ёшли футболчи "Фенербахче"дан "Фиорентина"га эркин агент сифатида ўтади, деб хабар бермоқда журналист Жанлука ди Марцио.
Манбага кўра, Жеко "бинафшаранглилар" билан бир йиллик шартномани узайтириш имконияти билан имзолайди.
Жеко бу мавсумда барча турнирларни қўшиб ҳисоблаганда 53 та учрашувда майдонга тушиб, 21 та гол урди ва 8 та голли узатма муаллифига айланди.
Босниялик футболчи бунгача "Интер," "Рома" ва "Манчестер Сити" каби номдор клублар ва бошқа бир қатор жамоаларда тўп тепган.
