"Atletik" va Ispaniya terma jamoasi vingeri Niko Uilyams o‘zini faqat ikki klubda ko‘rmoqda. Bu haqda Diario Sport jurnalistlari xabar bermoqda.
Manbaga ko‘ra, 22 yoshli vinger Kataloniyaning "Barselona" klubiga o‘tmoqchi yoki "Atletik"da qolmoqchi. Uilyams boshqa takliflarni ko‘rib chiqmoqchi emas. Avvalroq, matbuotda Nikoning xizmatlariga Londonning "Arsenal," Madridning "Real" va Myunxenning "Bavariya" klublari qiziqish bildirayotgani haqida xabarlar tarqalgan edi.
O‘tgan mavsumda vinger bask jamoasining 45 ta o‘yinida ishtirok etgan. U 11 ta gol va yettita assistni o‘z hisobiga yozdirib qo‘ydi.
