"Атлетик" ва Испания терма жамоаси вингери Нико Уильямс ўзини фақат икки клубда кўрмоқда. Бу ҳақда Diario Sport журналистлари хабар бермоқда.
Манбага кўра, 22 ёшли вингер Каталониянинг "Барселона" клубига ўтмоқчи ёки "Атлетик"да қолмоқчи. Уильямс бошқа таклифларни кўриб чиқмоқчи эмас. Аввалроқ, матбуотда Никонинг хизматларига Лондоннинг "Арсенал," Мадриднинг "Реал" ва Мюнхеннинг "Бавария" клублари қизиқиш билдираётгани ҳақида хабарлар тарқалган эди.
Ўтган мавсумда вингер баск жамоасининг 45 та ўйинида иштирок этган. У 11 та гол ва еттита ассистни ўз ҳисобига ёздириб қўйди.
