Madridning "Real" klubi Trent Alexander-Arnoldni burchakdan to‘pni o‘yinga kiritadigan futbolchiga aylantirmoqchi.

AS nashri xabariga ko‘ra, Madrid klubi murabbiylar shtabi dastlab angliyalikni asosiy burchak to‘pini tepadigan futbolchi sifatida ko‘rishgan.

"Real Madrid" klublar o‘rtasidagi jahon chempionatiga ketishidan oldin Trent himoyaviy o‘yin ustida ishladi va mashg‘ulotlarda to‘p kiritdi. Shuningdek, himoyachi jamoadoshlari va klub murabbiylarida ham ijobiy taassurot qoldirgani aytilmoqda.

Trent klublar o‘rtasidagi jahon chempionatida "Real Madrid"ning asosiy o‘ng qanot himoyachisi bo‘ladi. Ochilish o‘yinida Madrid klubi 18 iyun kuni "Al-Hilol" bilan kuch sinashadi.