Morningstar DBRS agentligi "Barselona"ning kredit reytingini oshirdi.

Kataloniya klubining kredit reytingi barqarordan ijobiyga ko‘tarildi. Bu qaror "Barselona"ning so‘nggi ikki mavsumdagi moliyaviy ko‘rsatkichlari yaxshilangani, klubning "Kamp Nou" stadioniga qaytishi hisobiga tushumlarning ortishi hisobiga yanada yaxshilanishi kutilayotgani, shuningdek, UYEFA va La Liga tomonidan qo‘llab-quvvatlangan xarajatlarni samarali nazorat qilish" bilan bog‘liq.

Morningstar DBRS prognozlariga ko‘ra, klubning 2027 yildagi daromadi 1,1 milliard yevroga yetadi. Bunday xulosaga "Barselona"ning "Kamp Nou"ga qaytishi va har mavsumda La Ligada 2-o‘rinni egallashi va Chempionlar ligasining chorak finaliga qadar yetib borishi haqidagi taxminlar asosida kelishgan.

Agentlik shuningdek, EBITDA (foizlar, soliqlar, amortizasiya va amortizasiyadan oldingi daromad), o‘yinchilarning transferidan olinadigan foydani hisobga olmaganda, 2025 moliyaviy yilida 90 million yevro atrofida va o‘rta muddatli istiqbolda moliyaviy yilda 100 million yevro atrofida bo‘lishini kutmoqda.

EBITDA klub qarzidan 5,8 baravar oshishi kutilmoqda va bu ko‘rsatkich kelajakda EBITDA ko‘payishi va qarzni bosqichma-bosqich to‘lash hisobiga barqaror oshib boradi.

Shuni ta’kidlash kerakki, Morningstar DBRS "katta uchlik" reyting agentliklari tarkibiga kirmaydi - uning tarkibiga Standard & Poor’s, Moody’s va Fitch Ratings kiradi.