Morningstar DBRS агентлиги "Барселона"нинг кредит рейтингини оширди.
Каталония клубининг кредит рейтинги барқарордан ижобийга кўтарилди. Бу қарор "Барселона"нинг сўнгги икки мавсумдаги молиявий кўрсаткичлари яхшилангани, клубнинг "Камп Ноу" стадионига қайтиши ҳисобига тушумларнинг ортиши ҳисобига янада яхшиланиши кутилаётгани, шунингдек, УЕФА ва Ла Лига томонидан қўллаб-қувватланган харажатларни самарали назорат қилиш" билан боғлиқ.
Morningstar DBRS прогнозларига кўра, клубнинг 2027 йилдаги даромади 1,1 миллиард еврога етади. Бундай хулосага "Барселона"нинг "Камп Ноу"га қайтиши ва ҳар мавсумда Ла Лигада 2-ўринни эгаллаши ва Чемпионлар лигасининг чорак финалига қадар етиб бориши ҳақидаги тахминлар асосида келишган.
Агентлик шунингдек, EBITDA (фоизлар, солиқлар, амортизация ва амортизациядан олдинги даромад), ўйинчиларнинг трансферидан олинадиган фойдани ҳисобга олмаганда, 2025 молиявий йилида 90 миллион евро атрофида ва ўрта муддатли истиқболда молиявий йилда 100 миллион евро атрофида бўлишини кутмоқда.
EBITDA клуб қарзидан 5,8 баравар ошиши кутилмоқда ва бу кўрсаткич келажакда EBITDA кўпайиши ва қарзни босқичма-босқич тўлаш ҳисобига барқарор ошиб боради.
Шуни таъкидлаш керакки, Morningstar DBRS "катта учлик" рейтинг агентликлари таркибига кирмайди - унинг таркибига Standard & Poor’s, Moody’s ва Fitch Ratings киради.
