"Atletik" Aymerik Laportni ortga qaytarish haqida o‘ylamoqda, ammo bu g‘oya moliyaviy qiyinchiliklarni keltirib chiqarishi mumkin.

Fransiyalik himoyachi 2012 yildan 2018 yilgacha Bilbao klubida to‘p tepgan, shundan keyin esa "Manchester Siti"da o‘ynagan.

2023 yilda u "An-Nassr"ga o‘tib, uch yillik shartnoma imzoladi. Saudiya klubi taxminan 30 million yevro to‘lagan, Laportning yillik maoshi esa 25 million yevro atrofida.

AS xabariga ko‘ra, "An-Nassr" transferga kiritilgan sarmoyaning hech bo‘lmaganda bir qismini qoplamoqchi, bu esa ayniqsa muzokaralarni qiyinlashtiradi.